Buoris gájka vas!
Lav ierijt læhkám
mælggadav dálla, valla ållo suohttasa li dáhpaduvvam dáv maŋemus
vahkov.
Lidjiv Julevsáme giella
konferánsan Jåhkåmåhken duorastagá ja bierjjedagá åvdep vahko.
Lej riek miellagiddevasj lågådallamijt gulldalit, iejvvit
ulmutjijt, ságastallat ájnas ássjij birra ja buoremus GULLAT ja
SÁHKADIT Julevsámegielav!! Riek dudálasj lav konferánsajn, ja
ávon lav at vuojnáv doajvvo la aj boahtteájggáj.
Lidjiv Bårjåsin Rachela
ja Per-Erica vega lunna ålles ájllegav. Gårrum gáptev, ja lav
dudálasj majt dálátjit lav gårrum. Sase buddasij lav ållim, ja
åhtsåj álggám. Gássjel lij mierredit makkir bájnojt válljit,
valla sjaddá unnán ietjá gå dábálasj.
Sæmmibále gå lav ávon, de lav oadtjum nievre ådåsav. Uddni oadtjuv diehtet ahte skåvllåoajvve ij vatte munji ienep sámegiel'tijmajt. Lav juo gærggam Sámegiella A:ajn, ja måj Rachelijn lin juo álggám B kursajn. Valla skåvllåoajvve ganugasstá munnu.
La stuorra hådjånibme
munji.
Sámegiella status ja dille skåvlån Svierigin ij la buorre. Mån lav sámegielav jagev ja 3-4 máno dálla låhkåm, suláj 2 tijma vahkkuj. 2 TIJMA vahkkuj? Mij la dat??
Sámegiella status ja dille skåvlån Svierigin ij la buorre. Mån lav sámegielav jagev ja 3-4 máno dálla låhkåm, suláj 2 tijma vahkkuj. 2 TIJMA vahkkuj? Mij la dat??
80 tijma galggin
bielnupjahkáj . Valla måj Rachelijn lin juo gærggam daj tijmaj. Na
majt dal? Mujna l riektá iednegiella åhpadusáv adnet
joarkkaskåvlån, Svierigin aj. Iv riekta dádjada manen sij máhtti
javllat munji at iv oattjo ienebuv? Manen?
Árvvedav le ruhta
diehti. Ja gå la dåssju akta oahppe, skåvllå ij la dudálasj.
Valla mån vádtsáv skåvlåv. Skåvllå la dakkár gånnå galga
oahppat. Gånnå åhpadi ja fáladi åhpadimev.
Mujna l riektá
Mujna l riektá
Dåbddu harmmat vájvve..
Valla doajvov ja jáhkáv oattjov joarkket sámegielajn.
Suohtas gullat nav moadda buorre ájádusájt ja vásádusájt konferánsas. Valla vájvve låhkåt åhpadusá birra! I gus máhte viehkev juosstá oadtjot? Dujna le ham, dagu iesj javla, riektá sámegielav låhkåt.Tjuovvus vuorbbe!
SvarSlettGuorrasav Mariaj; dujna l ham riektá! Allu då val vuollána! Ij så gávnnu nágin láhka, åhpadusláhka, minoritehtagiellaláhka, mij doarjju duv riektáv?! Guoradalá dav, ja de tjále gujttimav skåvllåoajvváj! Tjuovvus vuorbbe dajna ájnas bargujn. Varrudagá Karen Monika-oarbbimbielestat!
SvarSlettGijtto doarjos!
SvarSlettSuohtas gå lippe låhkåm.
Lav tjállám skåvllåjådediddjáj, ja vuortáv vásstádusáv.